ఢిల్లీలో ఏపీ ప్రభుత్వ ప్రతినిధిగా మోదుగుల

ఢిల్లీలో ఏపీ ప్రభుత్వ ప్రతినిధిగా మోదుగుల


జ‌గ‌న్ ప్ర‌భుత్వంలో విజ‌య‌సాయిరెడ్డి నియామ‌కం ర‌ద్దు అయింది. పార్టీ ప్ర‌ధాన కార్య‌ద‌ర్శి..పార్ల‌మెంట‌రీ పార్టీ నేత‌.. రాజ్య స‌భ స‌భ్యుడు అయిన విజ‌య సాయిరెడ్డిని ఢిల్లీలో ఏపి ప్ర‌భుత్వ ప్ర‌తినిధిగా నియ‌మించారు. అయితే, తాజాగా ఆయ‌న నియామ‌క ఉత్త‌ర్వులు ర‌ద్దు చేస్తూ ప్ర‌భుత్వం మ‌రో జీవో జారీ చేసింది. విజ‌య సాయిరెడ్డి నియామ‌కానికి సాంకేతిక కార‌ణా లు అడ్డుగా ఉన్న కార‌ణంగానే జీవో ర‌ద్దు చేస్తున్న‌ట్లు ప్ర‌భుత్వం చెబుతోంది. అయితే, ఇదే నియామ‌కం స‌మ‌యంలో ఆ మాత్రం అవ‌గాహ‌న లేకుండా ఎలా నిర్ణ‌యం తీసుకున్నారో అధికారులే చెప్పాలి. ఇక‌, ఆయ‌న స్థానంలో మాజీ ఎంపి మోదుగుల వేణుగోపాల‌రెడ్డికి అవ‌కాశం ఇవ్వాల‌ని భావిస్తున్న‌ట్లు స‌మాచారం.


ఢిల్లీలో ఏపీ ప్రభుత్వ ప్రతినిధిగా ఎంపీ విజయసాయిరెడ్డిని తొలగిస్తూ ప్రభుత్వం ఉత్తర్వులు జారీ చేయ‌టంతో ఇక ఇప్పుడు ఈ పోస్టులో ఎవ‌రిని నియ‌మిస్తార‌నే చ‌ర్చ మొద‌లైంది. వైసీపీ నుండి 22 మంది ఎంపీలు.. ఇద్ద‌రు రాజ్య‌స‌భ స‌భ్యులు ఉన్నా..వారిలో ఎవ‌రికీ ఈ ప‌ద‌వి ఇవ్వ‌టానికి అవ‌కాశం లేదు. దీంతో.. గ‌తంలో ఎంపీగా ప‌ని చేసి అటు డిల్లీ వ్య‌వ‌హారాల్లోనూ..ఇటు రాష్ట్ర ప‌రిపాల‌న మీద అవ‌గాహ‌న ఉన్న మాజీ ఎంపీ..ఎమ్మెల్యే అయిన మోదుగుల వేణు గోపాల్ రెడ్డి పేరు ప‌రిశీల‌న‌కు వ‌చ్చినట్లు స‌మాచారం. ఆయ‌న తాజా ఎన్నిక‌ల్లో గుంటూరు నుండి ఎంపీగా పోటీ చేసి టీడీపీ అభ్య‌ర్ది గ‌ల్లా జ‌య‌దేవ్ మీద అయిదే వేల ఓట్ల తేడాతో ఓడిపోయారు. పోస్టల్ బ్యాలెట్ ఓట్లు తిరస్క‌ర‌ణ‌తో టీడీపీ ఎంపీ గెలిచారంటూ కోర్టులో కేసు కొన‌సాగుతోంది. దీంతో.. లోక్‌స‌భ స‌భ్యుడిగా.. ఏపీ ఎమ్మెల్యేగా ప‌ని చేసి అనుభ‌వం ఉన్న మోదుగుల వేణు గోపాల రెడ్డిని ఇప్పుడు ఢిల్లీలో ఏపీ ప్ర‌భుత్వ ప్ర‌తినిధిగా నియ‌మించే అవ‌కాశాలు క‌నిపిస్తున్నాయి.


Popular posts
*లాక్ డౌన్ నిబంధనలకు విరుద్ధంగా శ్రీ బాలాజీ వైన్స్ లో మద్యం వ్యాపారం* *మేడ్చల్ జిల్లా జవహర్ నగర్ మున్సిపల్ కార్పొరేషన్ పరిధిలోని శ్రీ బాలాజీ వైన్స్ లో లాక్ డాన్ నిబంధనలను తుంగలో తొక్కిన యాజమాన్యం.* *భౌతిక దూరం పాటించకుండా విచ్చలవిడిగా చేస్తున్న మద్యం వ్యాపారం.* *కేంద్ర రాష్ట్ర ప్రభుత్వాలు కరోనా మహమ్మారిని కట్టడి చేయడానికి భౌతిక దూరం తప్పనిసరని నెత్తి నోరు మొత్తుకుని చెప్తున్నా సదరు వైన్స్ యజమానులు లాక్‌డౌన్‌ నిబంధనలకు తూట్లు పొడుస్తున్నారు. దీనిపై పోలీసు మరియు ఎక్సైజ్ శాఖ ఉన్నతాధికారులు తక్షణమే కఠిన చర్యలు తీసుకోవాలని ప్రజలు కోరుకుమతున్నారు.
Image
పేకాట శిబిరంపై స్పెషల్ ఎన్ఫోర్స్‌మెంట్ అధికారులు దాడి
డంపింగ్ యార్డ్‌ను తరలించాలంటూ స్థానికులు ఆందోళన
రాష్ట్ర తొలి మహిళా సీజేజస్టిస్‌ హిమ ప్రమాణం
Image
వైసీపీ లో చేరికలు