మట్టి విగ్రహాలు వాడండి.. పర్యావరణాన్ని కాపాడండి.. : మంత్రి అల్లోల‌

 


మట్టి విగ్రహాలు వాడండి.. పర్యావరణాన్ని కాపాడండి.. : మంత్రి అల్లోల‌



హైద‌రాబాద్,ఆగ‌స్టు 22: వినాయక చవితి పండగ సందర్భంగా ప్రతి ఒక్కరూ మట్టి విగ్రహాలను ప్రతిష్ఠించి, ప‌ర్యావ‌ర‌ణాన్ని కాపాడాల‌ని అట‌వీ, ప‌ర్యావ‌ర‌ణ‌, న్యాయ‌, దేవాదాయ శాఖ మంత్రి అల్లోల ఇంద్ర‌క‌ర‌ణ్ రెడ్డి పిలుపునిచ్చారు. గురువారం  బొగ్గుల‌కుంట‌లోని దేవాదాయ శాఖ ప్ర‌ధాన కార్యాల‌యంలో  తెలంగాణ కాలుష్య నియంత్ర‌ణ మండ‌లి త‌యారు చేసిన‌ మ‌ట్టి వినాయ‌క విగ్ర‌హాల‌ను ఆల‌య ఈవోల‌కు అంద‌జేశారు. ప‌ర్యావ‌ర‌ణ‌హిత మ‌ట్టి విగ్ర‌హాల‌పై TSPCB రూపోందించిన క‌ర‌ప‌త్రాలు, పోస్ట‌ర్లు, బ్యాన‌ర్ల‌ను మంత్రి  అల్లోల ఆవిష్క‌రించారు. ఈ సంద‌ర్బంగా మంత్రి మాట్లాడుతూ... ప్రజలు మట్టితో కూడిన వినాయక విగ్రహాలను ఏర్పాటు చేసి పూజలు నిర్వహించుకోవాలని, తద్వారా పర్యావరణ పరిరక్షణకు కృషి చేసిన వారమవుతామ‌న్నారు. తెలంగాణ కాలుష్య నియంత్ర‌ణ మండ‌లి ఆద్వ‌ర్యంలో 1.60 ల‌క్ష‌ల ప‌ర్యావ‌ర‌ణ‌హిత మ‌ట్టి విగ్రహాల‌ను త‌యారు చేసి ఇంటింటికి పంపిణీ చేస్తున్నామ‌ని తెలిపారు. మ‌ట్టి విగ్ర‌హాల వ‌ల్ల ప్ర‌యోజ‌నాలు, ప‌ర్యావ‌ర‌ణ ప‌రిరక్ష‌ణ‌, ర‌సాయన విగ్రహాలు ఏర్పాటు వల్ల కలిగే పరిణామాలను ప్ర‌జ‌ల‌కు తెలియజేసేందుకు విస్తృత స్థాయిలో ప్ర‌చారం నిర్వ‌హిస్తున్నామ‌ని చెప్పారు.
వారికి అవ‌గాహ‌న క‌ల్పించేందుకు బ‌హిరంగ ప్ర‌దేశాల్లో పోస్ట‌ర్లు, బ్యాన‌ర్ల‌ను కూడా ఏర్పాటు చేస్తున్న‌ట్లు తెలిపారు. తెలంగాణ‌లోని అన్ని దేవాదాయ శాఖ ఆల‌యాల్లో మ‌ట్టితో చేసిన వినాయ‌క‌ ప్ర‌తిమ‌ల‌ను ప్ర‌తిష్టిస్తున్నామ‌ని స్ప‌ష్టం చేశారు. ప్లాస్టర్‌ ఆఫ్‌ ఫారిస్‌తో చేసిన విగ్రహాలు, రంగురంగులతో చేసిన వినాయక విగ్రహాలను నెలకొల్పి తదుపరి నీళ్లలో నిమజ్జనం చేయడం వల్ల నీటిలో నివసించే ప్రాణులు సైతం మృత్యు కుహరంలోకి వెళుతున్నాయన్నారు. ఆ విగ్రహాలు నీటిలో కలిసిపోకుండా ఉంటాయన్నారు. రసాయనాలతో చేసిన విగ్రహాలను నీళ్లలో నిమజ్జనం చేయడం వల్ల చెరువులు, కాలువల్లో మట్టి పేరుకుపోయి నీటి నిల్వల శాతం తగ్గిపోయేందుకు కారణమవుతుందన్నారు. మట్టి విగ్రహాలు ఏర్పాటు చేసి పూజలు చేయడం వల్ల పర్యావరణాన్ని పరిరక్షించుకోవడంతో పాటు ఆ విగ్రహాల వల్ల ఎటువంటి హాని ఉండదని స్పష్టం చేశారు. ప్రజలు మట్టితో కూడిన వినాయక విగ్రహాలను ఏర్పాటు చేసి పూజలు నిర్వహించుకోవాలని, తద్వారా పర్యావరణ పరిరక్షణకు కృషి చేసిన వారమవుతామని సూచించారు.  ఈ కార్య‌క్ర‌మంలో దేవాదాయ శాఖ అడిష‌నల్ క‌మిష‌న‌ర్ శ్రీనివాస రావు, TSPCB సీఈఈ న‌గేష్, జాయింట్ చీఫ్ ఎన్విరాన్ మెంట్ సైంటిస్ట్  ముర‌ళీ మోహ‌న్, ఎస్ఈఈ ర‌మేష్ గుప్తా, త‌దిత‌రులు పాల్గొన్నారు.


Popular posts
టి ఆర్ ఎస్ కి ఆదరణ పెరుగుతుంది
Image
శేరిలింగంపల్లి నియోజకవర్గం లోని వెంకటేశ్వర కాలనీ లో ఈరోజు బస్తీ దవాఖానను ప్రారంభించడం జరిగింది. తెలంగాణ రాష్ట్ర ముఖ్యమంత్రి శ్రీ కేసీఆర్ గారు పేద ప్రజలు సంపూర్ణ ఆరోగ్యంగా ఉండాలనే ఆలోచనలో భాగంగా బస్తీ దవాఖానాలు ఏర్పాటు చేయడం జరుగుతుంది. ప్రజలకు దవాఖానాలు చేరువయ్యేలా ఉండాలని ప్రభుత్వ సంకల్పంతో బస్తీ దవాఖానలు ఏర్పాటు చేస్తున్నాం. ప్రతి ఒక్కరికి నాణ్యమైన వైద్యం అందేలా ప్రభుత్వం కృషి చేస్తుంది. ఈ ఒక్క రోజు లో జి.హెచ్.యం.సి పరిధి లో 45 బస్తీ దవాఖానాలు ప్రారంభిస్తున్నాం. హైదరాబాద్ -22, మేడ్చల్ మల్కాజ్ గిరి జిల్లాలో 15, రంగారెడ్డి జిల్లాలో 05, సంగారెడ్డి జిల్లాలో 03 బస్తీ దవాఖానాల ప్రారంభం ప్రస్తుతం జి.హెచ్.యం.సి పరిధిలో 123 బస్తీ దవఖానాలు ప్రతిరోజూ 10 వేల మందికి వైద్య సేవలు అందిస్తున్నాయి. నూతనంగా ప్రారంభించే 45 బస్తీ దవాఖానాల తో అదనంగా 4 వేల మందికి వైద్య సేవలు అందుతాయి. ఒక్కో బస్తీ దవఖాన లో ఒక వైద్యుడు, ఒక నర్స్, ఒక సహాయకుడు ఉంటారు. ప్రతి ఒక్కరు బస్తీ దవాఖాన సేవ‌ల‌ను వినియోగించుకోవాలి. బస్తీ దవాఖానల్లో ఆధునిక వైద్య పరికరాలు ఉంటాయి. పేద,మధ్యతరగతి ప్రజలకు అందుబాటులో ఈ దవాఖానాలు ఉంటాయి. మన తెలంగాణ ను ఆరోగ్య తెలంగాణ గా మార్చుకుందాం. ఈ కార్యక్రమం లో కలెక్టర్ వెంకటేశ్వర్లు గారు,యం.యల్.సి నవీన్ రావు గారు,యం.యల్.ఏ అరెకపూడి గాంధి గారు తదితరులు పాల్గొన్నారు.
Image
జాతీయ అర్హత ప్రవేశ పరీక్ష (నీట్‌) వాయిదా.
*లాక్ డౌన్ నిబంధనలకు విరుద్ధంగా శ్రీ బాలాజీ వైన్స్ లో మద్యం వ్యాపారం* *మేడ్చల్ జిల్లా జవహర్ నగర్ మున్సిపల్ కార్పొరేషన్ పరిధిలోని శ్రీ బాలాజీ వైన్స్ లో లాక్ డాన్ నిబంధనలను తుంగలో తొక్కిన యాజమాన్యం.* *భౌతిక దూరం పాటించకుండా విచ్చలవిడిగా చేస్తున్న మద్యం వ్యాపారం.* *కేంద్ర రాష్ట్ర ప్రభుత్వాలు కరోనా మహమ్మారిని కట్టడి చేయడానికి భౌతిక దూరం తప్పనిసరని నెత్తి నోరు మొత్తుకుని చెప్తున్నా సదరు వైన్స్ యజమానులు లాక్‌డౌన్‌ నిబంధనలకు తూట్లు పొడుస్తున్నారు. దీనిపై పోలీసు మరియు ఎక్సైజ్ శాఖ ఉన్నతాధికారులు తక్షణమే కఠిన చర్యలు తీసుకోవాలని ప్రజలు కోరుకుమతున్నారు.
Image
కె డి సి సి బ్రాంచ్ ప్రారంభం