నూతన వాహన చట్టం - అసంతృప్తి
*పన్నులు మావే.. పెనాల్టీ మాకే*
●విధులు నిర్వహించని మిమ్మల్నేం చేయాలి..?
●ఇవేం చట్టాలు..ఎందుకీ నిబంధనలు
●పాలకులు, అధికారుల తీరుపై నెటిజన్ల మండిపాటు.
●సోషల్ మీడియాలో వైరల్ అవుతున్న సందేశం.
★నూతన వాహన చట్టం, భారీ జరిమానాల విధిoపు నిర్ణయంపై నెటిజన్లు అసంతృప్తి వ్యక్తం చేస్తున్నారు. *పన్నులు కట్టే ప్రజలే పెనాల్టీలూ చెల్లించాలి* వారికి కనీస వసతులు కల్పించకుండా.. విధి నిర్వహణలో విఫలమవుతోన్న అధికారులు, ఉద్యోగులపై చర్యలుండవా..? అని ప్రశ్నిస్తున్నారు.
★సెప్టెంబర్ 1వ తేదీ నుంచి ట్రాఫిక్ ఉల్లంఘనలకు సంబంధించి కొత్త జరిమానాలు అమలులోకి రానున్న నేపథ్యంలో నెటిజన్లు మండిపడుతున్నారు.
●హెల్మెట్ లేకుంటే రూ.1000 జరిమానా విధిస్తున్నారు.. అదే రోడ్డుపై గుంతలో పడి పౌరులు ప్రాణాలు కోల్పోతున్నారు..? మరి పాలకులు, అధికారులకు ఎంత పెనాల్టీ వేయాలి..? ఏ శిక్ష విధించాలి.
●నో పార్కింగ్ జోన్లో వాహనం నిలిపితే రూ. వెయ్యి వసూలు చేస్తున్నారు... రోడ్డు పక్కనుండే ఫుట్పాత్ ఆక్రమణలు ఎందుకు తొలగించరు..?
●సిగ్నల్ జంప్ చేస్తే పెనాల్టీ చలానా ఇంటికి పంపుతారు..? పని చేయని సిగ్నల్ మరమ్మతును ఎందుకు పట్టించుకోరు..?
●ట్రిపుల్ డ్రైవింగ్ చేస్తే ఫైన్ వేస్తున్నారు.. రహదారులపై మురుగు పొంగి పొర్లితే ఎందుకు స్పందించరు..?
●నిషేధిత ప్లాస్టిక్ వినియోగిస్తున్నారని జరిమానా విధిస్తున్నారు.. కంపెనీలు సీజ్ చేస్తున్నారు..? రాజకీయ నేతలు ఏర్పాటుచేసే ఫ్లెక్సీలు మీకెందుకు కనిపించవు..? అని సోషల్ మీడియా వేదికగా పౌరులు ప్రశ్నిస్తున్నారు.
●నిబంధనలు, చట్టాలు ప్రజలకు మాత్రమేనా..? మిగతా అన్నిటికి ఎందుకు జరిమానాలు విధించరు..? అని నిలదీస్తున్నారు.
●మా ఆదాయంతో మీ ఎంజాయ్మెంట్...
పన్నులు చెల్లిస్తోన్న ప్రజలే అంతిమంగా బాధపడుతున్నారు. ఇబ్బందులు పడుతున్నారు. తుదకు ప్రాణాలూ కోల్పోతున్నారు. మళ్లీ వారిపైనే జరిమానాల భారం. ప్రభుత్వ ఖజానా నింపుకునేందుకు పన్నులు, పెనాల్టీలు చెల్లిస్తూనే ఉండాలా..?
●మా శ్రమ మీరు ఎంజాయ్ చేయడానికా..? అని ప్రశ్నిస్తున్నారు. ఈ మెస్సేజ్ రెండు రోజులుగా సోషల్ మీడియాలో వైరల్గా మారింది. ప్రజల్లో అవగాహన కల్పించేందుకు ఈ సందేశం అందరికి చేరాలని... వారిలో అవగాహన వచ్చినప్పుడే పాలకుల్లో మార్పు ఆశించగలమన్నది వారి అభిప్రాయం.
Govt తో కూడా వీటికి ఫైన్ లు కట్టించండి
రోడ్లపై ఒక్కో గుంతకి -1000/-
కంకర తేలితే - 2000/-
దుమ్ము లేగిస్తే -3000/-
నీరు నిలిస్తే -5000/-
రోడ్లు బాగు చేసి అప్పుడు అడగండి ఫైన్లు..
