హుజూర్‌నగర్ ఉప ఎన్నికల్లో అభ్యర్థులు 31 మంది

 


హుజూర్‌నగర్ ఉప ఎన్నికల్లో అభ్యర్థులు. టీఆర్‌ఎస్ అభ్యర్థి శానంపూడి సైదిరెడ్డి, కాంగ్రెస్ అభ్యర్థి నలమాద పద్మావతి, బీజేపీ అభ్యర్థి కోట రామారావు, టీడీపీ అభ్యర్థి చావా కిరణ్మయితోపాటు మొత్తం 31 మంది మిగిలారు. నామినేషన్ల దాఖలు గడువు సోమవారంతో ముగిసిపోవడంతో మంగళవారం ఉదయం అధికారులు వాటిని పరిశీలించారు. మొత్తం 76 మంది అభ్యర్థులు 119 నామినేషన్లు దాఖలుచేయగా.. 45 మంది అభ్యర్థుల పత్రాలు సరిగాలేవని రిటర్నింగ్ అధికారి చంద్రయ్య తెలిపారు. డిపాజిట్ చెల్లించకపోవడం, ఫారం 26 సరిగ్గా నింపకపోవడం, నామినేషన్ ఫారంలో కాకుండా వేరే ఫారంలో దరఖాస్తు చేయడం, సంతకాలు చేయకపోవడం, పది మంది ప్రతిపాదితులు లేకపోవడం వంటి కారణాలతో దరఖాస్తులు తిరస్కరించినట్టు చెప్పారు. నామినేషన్ తిరస్కరణకు గురైన వారిలో సీపీఎం అభ్యర్థి పారేపల్లి శేఖర్‌రావు కూడా ఉన్నారు. ధ్రువీకరణ పత్రాలు సరిగా లేనందున శేఖర్‌రావు నామినేషన్‌ను తిరస్కరించినట్టు రిటర్నింగ్ అధికారి తెలిపారు. దీంతో సీపీఎం కార్యకర్తలు ఆందోళనకు దిగారు. ఈ నెల 3 వరకు నామినేషన్ ఉపసంహరణకు గడువు ఉండటంతో మరికొన్ని నామినేషన్లు ఉపసంహరించుకునే అవకాశం ఉన్నట్టు తెలుస్తున్నది.


Popular posts
రాష్ట్ర తొలి మహిళా సీజేజస్టిస్‌ హిమ ప్రమాణం
Image
రాష్ట్ర స్థాయి పోటీలు
Image
పేకాట శిబిరంపై స్పెషల్ ఎన్ఫోర్స్‌మెంట్ అధికారులు దాడి
వైసీపీ లో చేరికలు
శేరిలింగంపల్లి నియోజకవర్గం లోని వెంకటేశ్వర కాలనీ లో ఈరోజు బస్తీ దవాఖానను ప్రారంభించడం జరిగింది. తెలంగాణ రాష్ట్ర ముఖ్యమంత్రి శ్రీ కేసీఆర్ గారు పేద ప్రజలు సంపూర్ణ ఆరోగ్యంగా ఉండాలనే ఆలోచనలో భాగంగా బస్తీ దవాఖానాలు ఏర్పాటు చేయడం జరుగుతుంది. ప్రజలకు దవాఖానాలు చేరువయ్యేలా ఉండాలని ప్రభుత్వ సంకల్పంతో బస్తీ దవాఖానలు ఏర్పాటు చేస్తున్నాం. ప్రతి ఒక్కరికి నాణ్యమైన వైద్యం అందేలా ప్రభుత్వం కృషి చేస్తుంది. ఈ ఒక్క రోజు లో జి.హెచ్.యం.సి పరిధి లో 45 బస్తీ దవాఖానాలు ప్రారంభిస్తున్నాం. హైదరాబాద్ -22, మేడ్చల్ మల్కాజ్ గిరి జిల్లాలో 15, రంగారెడ్డి జిల్లాలో 05, సంగారెడ్డి జిల్లాలో 03 బస్తీ దవాఖానాల ప్రారంభం ప్రస్తుతం జి.హెచ్.యం.సి పరిధిలో 123 బస్తీ దవఖానాలు ప్రతిరోజూ 10 వేల మందికి వైద్య సేవలు అందిస్తున్నాయి. నూతనంగా ప్రారంభించే 45 బస్తీ దవాఖానాల తో అదనంగా 4 వేల మందికి వైద్య సేవలు అందుతాయి. ఒక్కో బస్తీ దవఖాన లో ఒక వైద్యుడు, ఒక నర్స్, ఒక సహాయకుడు ఉంటారు. ప్రతి ఒక్కరు బస్తీ దవాఖాన సేవ‌ల‌ను వినియోగించుకోవాలి. బస్తీ దవాఖానల్లో ఆధునిక వైద్య పరికరాలు ఉంటాయి. పేద,మధ్యతరగతి ప్రజలకు అందుబాటులో ఈ దవాఖానాలు ఉంటాయి. మన తెలంగాణ ను ఆరోగ్య తెలంగాణ గా మార్చుకుందాం. ఈ కార్యక్రమం లో కలెక్టర్ వెంకటేశ్వర్లు గారు,యం.యల్.సి నవీన్ రావు గారు,యం.యల్.ఏ అరెకపూడి గాంధి గారు తదితరులు పాల్గొన్నారు.
Image