చాలా బాధగా ఉంది

చాలా బాధగాను భయంగానూ ఉంది . 

అమెరికాలో లక్ష దాటిన కరోనా కేసులు . 

మొదట 50 వేలు కేసులు రావటానికి రెండు నెలలు పడితే రెండో సగం అనగా మిగతా 50 వేలు కేవలం గత మూడురోజుల్లోనే నమోదయ్యాయి . 

ఇంకా విషాదమేమిటంటే .. టెస్ట్ కిట్లు కొరత వలన చాలా మందిని టెస్ట్ చేయకుండానే మందులిచ్చి ఇంట్లోనే ఉండమని పంపుతున్నారు . 

నిపుణల అంచనాల ప్రకారం జూలై ఆఖరికల్లా అమెరికాలో లక్షమంది చనిపోయే అవకాశం ఉందంట . 

పరిస్థితి ఇంత ఘోరంగా ఉంటే ట్రంప్ మాత్రం దేశంలో లాక్ డౌన్ చేసేదే లేదు , లాక్ డౌన్ చేస్తే వ్యాపారాలు దిబ్బతిని దేశం ఆర్థికంగా నష్టపోతుందని వితండ వాదం చేస్తున్నాడు . 

మనుషులు చచ్చాక డబ్బులు ఏం చేసుకుంటారో ? 

లేకపోతే పోయినోళ్ళు పోంగా మిగిలిన వాళ్ళు లాభపడతారని ( దేశం ఆర్థికంగా బాగుంటే ) .. వాళ్ళే మళ్ళీ గెలిపిస్తారని ట్రంప్ ఆలోచన కాబోలు ..

చైనాలో మొదటి కరోనా కేసు నవంబర్ 15 న వెలుగు చూసింది . అమెరికాలో మొదటి కేసు జనవరి రెండో వారంలో వెలుగు చూసింది . అప్పటినుండి ఇప్పటివరకూ ట్రంప్ చేసింది సూన్యం . 

కనీసం ఫ్రంట్ లైన్ హెల్త్ వర్కర్స్ కి సరైన గైడెన్స్ లేదు , ప్రోటోకాల్ లేదు .. టెస్టింగ్ కిట్లు లేవు . 

ఇలాంటి క్లిష్ట పరిస్థితులలో ఒబామా లాంటి నాయకుడు లేకపోవటం కొట్టొచ్చినట్లు కనబడుతుంది . 

ట్రంప్ లాంటి ని ఎన్నుకున్నందుకు అమెరికన్లు అనుభవిస్తున్నారు .